Тений республикыштына 42 медицина пашаеҥ ял кундемлаш пашаш куснен

                      Тений республикыштына 42 медицина пашаеҥ- 31 врач ден 11 фельдшер «Земский доктор» да «Земский фельдшер» программыш ушненыт. Нуно чыла гаяк районышто пашам ыштат. Программе- влакым шыҥдарыме жапыште 2012-шо ий гыч республикысе тазалыкаралтыш министерстве 130 врач да 21 фельдшер дене ойпидышым кылден. Нунын кокла гыч 17 врач ден 21 фельдшерже ялыш пашам ышташ каеныт. Ял ден изирак посёлкылаш пашаш кайыше врач- влаклан ик гана ик миллион теҥге, фельдшер-шамычлан 500 тӱжем теҥге тӱлалтеш.
                     Тиддеч посна эше тора да миен шуаш йӧсылан шотлалтше ял- влак улыт. Нуно райрӱдысӧ эмлыме вер деч 15 меҥге утла тораште верланат. Спискыш тыгай 206 ялым пуртымо. Тыгай верлаш пашаш каяш келшыше врач- влак ик миллионат пеле теҥге, фельдшер- влак 750 тӱжем теҥге компенсацийым налыт. Тений тора яллам 15 медицина пашаеҥ ойырен налын. 2021-ше ий гыч тиде программыш эше акушерке ден ФАПлан медшӱжарышт путалтыт. Шушаш ийын программыш ушнышо- влаклан компенсаций оксам тӱлаш 35 миллионат 750 тӱжем теҥгем палемдыме.

Прошлые выпуски