Тулык йоча да ача-аван полышыжо деч посна кодшо- влаклан Лӱльпанысе рӱдер лӱмгечыжым палемден

          Тулык йоча да ача-аван полышыжо деч посна кодшо- влаклан Лӱльпанысе рӱдер лӱмгечыжым палемден. Кумшо декабрьыште тудлан 85 ий темын. Пайремыш тӱрлӧ ийласе 100 утла выпускник погынен. Эн кугуракше 1957-ше ийыште тунем пытарен. Ончычсо ятыр тунемше шке ешыже дене толын. Икшывыштлан ава-ачаштын кушто йоча жапышт эртымым пален налаш оҥай лийын. Пайрем мӧҥгысо семынак ласкан эртен: мутланеныт, шарналтеныт, когыльо дене чайым йӱыныт, еш альбомым тӱшкан шергалыныт. Рӱдерын ветеранже да кызыт ыштыше- влак  лӱмешат шуко поро мут йоҥген. Выпускник- влак яра кида толын огытыл. Пӧртыштышт кок у, мотор диван, шуко пӱкен, у атышӧр ешаралтын. Кызыт тушто илыше йоча- влак шере пӧлек деч поснат кодын огытыл.

Прошлые выпуски