Марий тӱвыра рӱдерыш Марий Эл Кугыжаныш Погын вуйлатышын алмаштышыже Наталья Козлова толын
Марий Эл Кугыжаныш Погын вуйлатышын алмаштышыже Наталья Козлова Республикысе марий тӱвыра рӱдерын коллективше дене вашлиймашым эртарен. Каласен кодена: тиде рӱдерым Кугыжаныш Погынын депутатше, тазалыкаралтыш, тӱвыра да спорт комитетын секретарьже Наталья Пушкина вуйлата. Вашлиймашыште рӱдерын пашаеҥже- влак эртыше ийысе усталык пашашт, йӱла пайрем- влакым эртарымышт. Тӱнямбал кӱкшытан мероприятийлаште участвоватлымышт. «Унчо- финн-угор тӱнян тӱвыра рӱдыверже» проектыште тыршымышт нерген ойленыт. Погынышо- влак республикыште гына огыл, марий- влакын тӱшкан илыме моло кундемлаштат марий тӱвырам, йылмым, йӱлам вияҥдыме йодышым каҥашеныт. Тиддеч посна тӱшка увер йӧным вияҥдыме йодышымат нӧлталме. Поснак район газетлаште марий йылме дене посна лаштыкым лукташ кӱлеш манын палемденыт.
