Юл кундем округын «Телымсе Туриадыжын» таҥасымашыже- влак тӱҥалыныт
Республикыштына Юл кундем округын «Телымсе Туриадыжын» таҥасымашыже- влак тӱҥалыныт. Теҥгече 2003-шо – 7-ше ийлаште шочшо- влак коклаште ече дене спорт туризмыште таҥасымаш дене Марий Элыште Российын первенствыже почылтын. Тудын кышкарыштак округын первенствыже лиеш. Тудын лектышыже округын «Туриада» спорт-турист лагерьже» проектын тӱшка зачётышкыжо кая. Таҥасымашке округысо чыла регионын, тыгак Коми, Краснояр край, куд область да Хант-Манси автоном округ гыч уна- влак ушненыт. Таҥасымаш округын кубокшо верч эстафете гыч тӱҥалын. Икымше верым Свердлов областьын, кокымшым Марий Элын, кумшым Коми республикын командыже сеҥен налыныт. Участник- влакым эше куд таҥасымаш вуча. Таҥасымаш кышкарыштак «Туриада» спорт лагерьым эртарыме радамым каҥашыме. Тудо май мучашыште Саратов областьысе Хвалынск олаште лийшаш.
Фото: Россий Перезидентын полпредшын пресс-службыжо
Фото: Россий Перезидентын полпредшын пресс-службыжо
