Автошколышто тунеммылан ава капиталын оксаж дене тӱлаш лиеш
Автошколышто тунеммылан ава капиталын оксаж дене тӱлаш лиеш. Йочалан шинчымашым пуымаш- капиталым кучылтмо ик эн кумдан шарлыше корно. Тӱлаш лиеш йоча садлан, ешартыш шинчымаш программылан, автошколышто тунеммыланат. Автошколышто тунеммылан тӱлаш ава капитал оксам колташ капиталым налше йочалан кум ий темшаш, а тунемаш шонышо икшыве 25 ий деч кугурак лийшаш огыл. Автошкол Российыште верланышаш да туныкташ лицензийже лийшаш. Оксам кеч- кудо йочам туныкташ колташ лиеш, но ача-ава-влакым огыл. Оксам кучылташ йодмашым Пенсий фондын верысе органышкыже колтыман. Кодшо ийын республикыштына 450 еш ава капитал оксам йочам туныкташ кучылтын.
