Республикыштына эн сай муниципал книгагудылан да тушто тыршыше эн сай пашаеҥлан конкурсым увертарыме
Республикыштына эн сай муниципал книгагудылан да тушто тыршыше эн сай пашаеҥлан конкурсым увертарыме. Тудым тӱвыра министерстве ден Чавайн лӱмеш калыкле книгагудо эртарат. Конкурс 27-ше май марте шуйна. Тушто тыгай номинаций- влак лийыт: эн сай рӱдӧ книгагудо, изи книгагудо, рӱдӧ книгагудын эн сай пашаеҥже, изи книгагудын пашаеҥже. Таҥасымаш кок йыжыҥ дене эрта. Икымшыже- заочный- 31-ше март марте, кокымшыжо- очный- апрельыште. Конкурс комиссий верлашке лектын коштеш да книгагудын пашажым акла. Иктешлымаш да саламлымаш Российысе книгагудо кечын, 27-ше майыште, Чавайн лӱмеш книгагудышто лиеш.
