Волжский районысо шокшым ситарыше объект- влакым арендыш пуымо нерген ойпидышым пеҥгыдемдыме

Марий Элыште Волжский районысо шокшым ситарыше объект- влакым арендыш пуымо нерген ойпидышым пеҥгыдемдыме.  Кужу жаплан «Маркоммунэнерго» ушемлан арендыш пуаш концессионный соглашенийым ыштыме. Тудым 15 ийлан пеҥгыдемдыме. Маркоммунэнерго» эксплуатацийыш 15 котельныйым, 30 меҥге кужыт утла теплосеть ден шокшо вӱдым ситарыше кок пучан сетьым налын. Концессий – тиде кугыжаныш да частный партнёрствын формыжо. Тудын почеш кугыжаныш пого частный инвесторлан ойырымо жаплан пуалтеш. Инвестор тиде погым чоҥаш але пужен ышташ правам налеш да тудым кучылтмо гыч пурышо парышым налеш. Концессионер тошто оборудованийым уэмдышаш, энергоэффективностьым кугемдышаш, шокшо энергийым йомдарымашым иземдышаш, оборудованийым автоматизироватлышаш. Тенияк тиде пашалан 25 миллион теҥге окса ойыралтеш. Ырыктыме тургым- влак коклаште Кӱсолаште кызытсе жаплан келшыше блочно-модульный котельныйым чоҥышаш, Чодыраялысе у газ котельныйым газ сетьыш ушышаш улыт. Чыла тидыже Волжский районышто шокшым да шокшо вӱдым качественно ситараш полшышаш.

Прошлые выпуски