Марий Кугыжаныш университетыште урал йылме – влакым тунемме шанче да шымлыше рӱдер ышталтеш

Марий Кугыжаныш университетыште урал йылме – влакым тунемме шанче да шымлыше рӱдер ышталтеш
           Марий Кугыжаныш университетыште урал йылме – влакым тунемме шанче да шымлыше рӱдер ышталтеш. Саранскышке финн-угор калык- влакын Россий кӱкшытан форумышкышт Марий Элын делегацийже радамыште Марий университетын ректоржо Михаил Швецоват миен. Ректор урал йылме- влакым тунемме шанче да шымлыше рӱдерым презентоватлен. Тыгай структура Европыштат уке. Тудо тиде тӱшкаш пурышо йылме- влакым арален кодаш да шымлаш, тиде пашаш самырык- влакым ушаш полшышаш. Тушто калыкле цифран лингвистике лабораторий лиеш. Кызытак МарНИИЯЛИ дене пырля университетын суперкомпьютерже калыкле йылме модель- влаклан интеллектуал машин обработкым ыштыше циффран сервис ямдылалтеш: марий йылмыш да марий йылме гыч Яндекс кусаркалыше пашам ышта, электрон мутер- влакым, марий йылмым пален налше функций да марла чын возымым тергыше системым ыштыме. Ончыкыжым йӱкан полышкалыше, марий йылме дене операций системе лийшаш. Университетыште руш да российысе калык- влакын сылнымутышт, руш да российсе калык- влакын йылмышт дене диссертацийым аралаш диссертаций советым ыштыме. Кызыт МарГУ Республикысе ойыртемалтше тӱвырам аралыме да пойдарыме палыме рӱдер улеш.
               Фото: МарГУ-н пресс-службыжо.

Прошлые выпуски