Таче Россий Федерацийын Кугыжаныш Тистыжын кечыже палемдалтеш

Таче Россий Федерацийын Кугыжаныш Тистыжын кечыже палемдалтеш
              Таче Россий Федерацийын Кугыжаныш Тистыжын кечыже палемдалтеш. Тудо идалык еда 22-шо августышто пайремлалтеш. Тиде кечым Россий Президентын Указше дене 1994-ше ий 20-шо агустышто пеҥгыдемдыме. 
            Марий Элым вуйлатыше, Правительство Председатель Юрий Зайцев республикысе калыкым Россий Фдерацийын Кугыжаныш Тисте кечыже дене саламла. Тиде пайрем Элнан героически эртыме жапше, калыкнан сарлаште сеҥымашыже да паша подвигше нерген ушештара. Российын триколоржо еҥ- влакым ушен шога, патриотизм ден тукым- влакын икте весым вашталтен толмыштым ончыкта. Тудо кугу да куатле Россий верч кугешнымашын символжо улеш. Таче ме Ачамландын интересшым аралымаште пеҥгыдын шогышо- влаклан, тудым спорт  ареныште чапландарыше, экономикым вияҥдыше, тӱвыра да шӱм-чон поянлыкым аралымашке кугу надырым пыштыше- влаклан тауштена. Тек Российын Кугыжаныш Тистыже мемнан виян да эрыкан элна ӱмбалне лойгалтеш,- возымо республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски