Морко районышто вӱдым ситарыме системым пужен ыштыме паша тӱҥалын
Морко районышто вӱдым ситарыме системым пужен ыштыме паша тӱҥалын. Тидлан кӧра Морко районышто чапле йӱшаш вӱд дене Октябрьский посёлкысо 300 наре еҥ, Кокласаолаште тӱжемат 200 еҥ, Зеленогорск посёлкышто 900 еҥ пайдаланаш тӱналыт. Улшо водозаборлаште вӱдым пушкыдемдыме станцийым чоҥаш кӱлеш. Кажныже суткаште 80 кубометр вӱдым ямдыла. Оксам федерал, республикын да муниципал бюджетла гыч ойырымо. Пашам идалык мучашлан пытарышаш улыт. Мут толмашеш, тиде районысо Арын селаште да Чодыраялыште вӱд пучым чоҥымо паша мучашыш лишемеш, сомыл план-график почеш кая. А кодшо ийын Морко посёлкышто тӱҥ водозаборышто вӱдым пушкыдемдыме станцийым чоҥымо.
Фото: Морко район администраций.
Фото: Морко район администраций.
