Ял озанлыкын кум кварталаш пашажым иктешлыме
Республикысе ял озанлык министерствыште тенийсе кум кварталын пашажым иктешлыме. Регионысо валовый продуктышто тудын удельный весыже 20 процентым эртен. Индеш тылзе жапыште ял озанлык продукцийым лукмо индекс 110 процентым эртен, ял озанлык организацийлаште тудо 113 процентыш шуын. Тиде показатель дене республике Округышто кокымшо, Россий мучко 10-шо верым налеш. Ончылгоч шотлымо почеш, 240 тӱжем тонн пырчым шийын налме. Тидыже кодшо ийысе деч 105 процент лиеш. Кокла лектыш ик гектарлан шотлымаште 20 центнерыш шуын. Пареҥгым 230 тӱжем тонным погымо, саскам- 120 тӱжем тонным. Йытыным 906 гектареш ӱдымӧ ыле. Тудын нӧшмыжым 125 тонным налме, 262 тонн муш лектын. Озанлык- влак шыллан вольыкым да сурткайыкым 304 тӱжем тонным ыштен налыныт, шӧрым 164 тӱжем тонным, муным 299 миллионым. Республике шкаланже тӱҥ кочкыш сатум: шылым 349 процентлан, шӧрым 97 процентлан, муным 110 процентлан, пареҥгым 118 да саскам 116 процентлан ситарен.
