Йошкар-Олаште фонтан-влак пашам ыштымым чарненыт

Йошкар-Олаште фонтан-влак пашам ыштымым чарненыт
Икымше октябрь гыч Йошкар-Олаште фонтан-влак пашам ыштымым чарненыт. «Водоканалын» специалистше- влак теҥгече нуным йӧртеныт. Тыге нуным телылан ямдылаш тӱналме. Ямдылымашке икмыняр техник мероприятий пура. Тудо оборудованийым чот йӱштӧ деч аралаш полша. Тидлан вӱд пуч гыч вӱдым пӱтынек тулен луктыт, насос оборудованийым да волгалтарыме системым кораҥдат. Южо фонтаным лум деч аралаш манын,  купол дене петырат. Чыла сомылым арня мучаш марте ыштен шуктышаш улыт. «Водоканал» Йошкар-Олаште 11 фонтаным обслуживатла.

Прошлые выпуски