Йошкар-Ола гыч Озаҥыш студент автобус коштеш
Йошкар-Ола ден Озаҥ коклаште студент автобус кошташ тӱналын. Тиде социал проект Озаҥыште тунемше студент- влаклан полшаш манын ышталтын. Икымше тыгай автобусым 2017-ше ийыште Озаҥ ден Набережный Челна коклаште колтымо ыле. Тудлан кӧра, кок ий жапыште тӱжемат 560 студент 230 тӱжем теҥге наре оксам аныклен коден. Тенийсе тунемме идалык тӱналмеке, Озаҥ гыч Тюлячи, Бугульма, Альметьевск, Буинск да Йошкар-Олаш тыгай автобус кошташ тӱналын. Йошкар-Ола гыч Озаҥ марте 250 теҥгем налыт. Ончыкыжым моло верлашкат колташ шонат. Татарстан республикысе самырык- влакын пашашт шотышто министрын мутшо почеш, самырык-влаклан социал полышым пуымо йӧным Татарстанысе студент- влакын лигыштын тӱҥалтышыже почеш да Татарстан республикын правительствыже полшымо дене ыштыме.
