Марий университетыште этнокультурный шинчымашым пуымо пашам цифрыш кусарыме йодышым каҥашеныт
Марий Кугыжаныш университетыште «Цифровая трансформация в этнокультурном образовании» тӱнямбал шанче педагогик форум эртен. Тушко Российысе 20 ола гыч да Казахстан, Таджикистан, Молдова, Белоруссий гыч 100 утла еҥ толын. Форумын ик эн тӱн задачыже- этнокультурный шинчымашым пуымо пашам цифрыш кусарыме сеҥымаш- влакым ончыктымаш да опыт дене ваш палдарымаш. Руш да марий калык усталык дене мастер-класслаште палыме лийын кертыныт. Тушто матрёшкым сӱретлыме, марий тӱр, марий курчакым ыштыме, аралтыш курчакым ыштыме шотышто урок-влак лийыныт.
