МЧС-ын «ӱшан телефонжо» сутка мучко пашам ышта
Марий Элыште МЧС-ын «ӱшан телефонжо» сутка мучко пашам ышта. Идалык тӱналтыш гыч тушко 78 еҥ йыҥгыртен. Сентябрьыште 6 еҥ. Чылажат Йошкар-Ола гыч улыт. 69-02-63 номеран телефон дене йыҥгыртыше- влакым мо утларакше тургыжландара? Поснак пожар лӱдыкшыдымылыкым пудыртымаш нерген йыҥгыртат. Подъездлаште эвакуаций корным пу яшлык, автмобиль шине дене темен шындыме нерген ойлат, гараж кооператив кундемыште шӱк-куштырам йӱлатыме, илыме пӧрт воктене шӱкшакым чумырымо да моло йодыш- влакымат нӧлталыт. Чыла йыҥгыр регистрироватлалтеш да кӱлеш ведомствыш колталтеш. 30 кече жапыште йыҥгыртыше еҥ вашмутан серышым налеш. Ӱшан телефоным калык да утарыше службо коклаште илышлан лӱдыкшым корандымаште пашам семден колташ ыштыме.
