«Ош кече» фондын презентацийже лийын
Теҥгече Евсеев лӱмеш калыкле тоштерыште марий калыкын шӱм-чон, уш-акыл да йылме поянлыкшым арален кодымо да вияҥдыме «Ош кече» фондын презентацийже лийын. Фонд йыргешке ӱстел, шанче-практик конференций, фестиваль, йӱла пайрем, шанче шымлымашым эртараш, книга ден журналлам лукташ полшаш тӱналеш. Тудын президентше- калык медицинын профессоржо, Озаҥ олан онаеҥже Виталий Головин лиеш. Фондын попечитель советше уло. Тушко палыме лу марий еҥ пура. «Ош кече» «Мый марла ойлем» марий йылме школ», «Шӱм-чон уш-акылын волгыдыжо», «Кӱсото- тӱнян шӱм-чон поянлыкше, «Марий тӱрыштӧ- кугезе келге шинчымаш», «Марий чон поянлык» проект- влакым илышыш шыҥдара.
