Александр Евстифеев вӱд туризмым вияҥдыме шотышто республикым пилот регион семын палемдаш темлен

Александр Евстифеев вӱд туризмым вияҥдыме шотышто республикым пилот регион семын палемдаш темлен
Марий Элым вуйлатыше Александр Евстифеев вӱд туризмым вияҥдыме шотышто республикым пилот регион семын палемдаш темлен. Тыгай ой Озаҥ олаште полпред Игорь Комаровын эртарыме Округ Советын заседанийыштыже йоҥгалтын. Погынымаште кундем- влакын турист- влакым кумылаҥдыме сай пашашт нерген каласкалыме да темлымаш- влакым ыштыме. Округын туризмым вияҥдаш йӧнжӧ пеш шуко уло. Юл кундемысе регион- влак коклаште Марий Эл ойыртемалтше верым налын шога. Тудо шке шотан тӱвыражым арален коден. Шке архитектурыжо, мотор верже, ару пӱртӱсшӧ дене турист- влакын кумылыштым савыра. Александр Евстифеев палемден: турист- влакын чотышт эре кушкын шога. Пытартыш кум ий жапыште нунын чотышт кум пачаш ешаралтын. 18-ше ийыште 678 тӱжем турист толын каен гын, тений икымше пелийыште 25 процентлан шукырак. Тидлан амалым Унчо селам финн-угор тӱнян рӱдывержылан ойырен налмат амалым ыштен. Тиддеч посна «Чудеса земли Марийской», «Край звонких гуслей» маршрут- влакым Российысе брендан маршрут радамыш пуртымо. Адакшым республикыште эртарыме ятыр пайрем, фестиваль- влак уло эллан палыме лийыт. Инвалид- вакын Спартакиадышт тыгак кугу надырым пыштен. Самолёт чоҥештылаш тӱҥалмат шке кышажым кода. Республикыште Юл эҥер дене кылдалтше вич кугу вер уло. Тиде Козьмодемьянск, Звенигово, Волжск ола- влак, Юрино посёлко да Кокшайск села. Шушаш ийын Сеҥымашлан 75 ий да Республикылан 100 ий теммым палемдаш тӱҥалына. Но судоходствылан келшыше йӧнын укелыкше туризмлан чаракым ышта. Доклад мучашыште Александр Евстифеев протокол пунчалыш вӱд туризмым вияҥдаш йӧным ыштыме шотышто мероприятий- влаклан полышым пуаш решенийым пурташ йодын. Тидлан Марий Элым вӱд туризмым вияҥдыме шотышто пилот регион семын палемдаш темлен. Тиддеч посна субъект- влак коклаште туризмым чолганрак вияҥдаш кӱлеш манын. Тидлан причал- влакым ыштымат полшаш тӱҥалеш. Кокшайск селаште Марий Эл, Чуваший да Татарстан гыч  еҥ- влак канат. Причалым ыштымаш круиз направленийым вияҥдаш полшышаш. Лач тиде субъект- влак кокласе туризмын примерже лиеш. Туризмым вияҥдымаш калыкле проект- влакым шыҥдарымаш дене чак кылдлатын.

Прошлые выпуски