Йошкар Площадьыште «Шӧртньӧ шыже» калыкле гастрономий фестиваль эрта
Москосо Йошкар Площадьыште «Шӧртньӧ шыже» калыкле гастрономий фестиваль эрта. Марий Элысе сатум ыштен лукшо- влакат тиде фестивальлан ямдылалтыныт. Марий Эллан шке шотан шале-пӧртым пуэныт. Тушто марий сатучо- влак: «Русьын чайже», «Спраутс Мари», «Крафт», «Тайга продукт», «Икымше кинде завод», «Сувенир» фирме», потребкооперацийын организацийже- влак, В.В.Кузьминын фермер озанлыкше шке сатуштым темлат. Тачысе кече гыч 13-шо октябрь марте Москосо калык Марий Элыште ыштен лукмо сай качестван, экологий шотышто ару кочкыш-сатум налын кертеш. Нунын радамыште иван-чай, вашке шолтымо пучымыш, коштымо емыж, кид дене ыштыме шоколад, консервироватлыме поҥго, мармелад, чак-чак, кондитер сату, томат пасте, сувенир мӱгинде, мӱй да мӱкш сату улыт. Фестиваль дене пырля ВДНХ-ште «Шӧртньӧ шыже» Россий кӱкшытан агропромышленный выставке эрта. Тушто Марий Элын стендше уло.
