«Сеҥымашын чодыражым» шынденыт
Республикыштына «Сеҥымашын чодыраже» экологий да патриот акций эртен. Пушеҥгым шындымашке МВД-м вуйлатыше- влак, ветеран, мер пашаеҥ, кадет да полицийын самырык пашаеҥже- влак ушненыт. 2016-шо ий гыч шыҥдараш тӱналме проект Кугу Сарыште вуйым пыштыше- влак нерген шарнымашым кодаш да чодыра фондым пойдараш виктаралтын. Тудо Кугу Сеҥымашлан 75 ий теммылан пӧлеклалтеш. Мероприятийыш погынышо- влакым республикысе эл кӧргӧ паша министр Сергей Волчков саламлен. Поро шомакым пӱртӱс поянлык министрын сомылжым шуктышо Константин Наговицын ойлен. Медведевысе кумшо номеран школын кадетше- влак изирак концертым ончыктеныт. Тидеч вара иквереш самырык пушеҥгым шындаш тарваненыт. Пашам мучашлымеке, чыланат «салтак пучымышым» тамленыт.
