«Оҥгыр йӱк» ансамбль Башкортостаныште Гран-прим сеҥен налын
Уфа олаште Башкортостаным ыштымылан 100 ий темме лӱмеш фольклор сымыктышын Республике кӱкшытан «Фолк-тайм» кокымшо конкурсшо лийын. Тушто Благовещенск ола гыч «Оҥгыр йӱк» марий фольклор ансамбль конкурсын тӱҥ вержым Гран-прим сеҥен налын. Тыге кӱкшын марий коллективым Москосо кугыжаныш тӱвыра институтын мурымо усталык кафедрыжым вуйлатыше, профессор Алексей Шилинын вуйлатыме жюри аклен. Конкурс «Тӱнямбал Фолклориаде-2020» фестивальлан ямдылалтме кышкарыште эртен. Тушко 27 район да 10 ола гыч 700 утла еҥ погынен. Ойырен налме турыш 83 йодмашым але 1500 исполнительым ойырен налме. Конкурс программыште 15 йылме дене муро- влак йоҥгеныт. «Оҥгырйӱк» ансамбльым Благовещенск оласе тӱвыра пӧрт негызеш 2017-ше ийыште гына чумырымо. Тушко олаште илыше тунемше, пашам ыштыше, пенсионер-влак- 8 гыч 70 ияш марте еҥ- влак коштыт. Ансамбльым марий толкынын чолга еҥже, «Мишкан» марий историй да тӱвыра рӱдерын Благовещенскысе филиалжым вуйлатыше Владислав Аптыкаев виктара.
