Республикым вуйлатышым сайлымашлан Марий Элыште 530 тӱжем утла бюллетеньым ямдылат

            Республикым вуйлатышым сайлымашлан Марий Элыште 530 тӱжем утла бюллетеньым ямдылат. Бюллетеньыште ныл кандидат лиеш да ужар тӱсан аралтыш дене савыкталтеш. Рашырак каласаш гын, 530 тӱжемат 400 экземпляр лиеш. Тушечын 39 тӱжемат 600-жо курык марий йылме дене, 334 тӱжемат 500-жӧ олык марий йылме дене савыкталтеш. 10-шо майыште Марий Элым вуйлатыше Александр Евстифеев паша гыч кайыме нерген увертарен. Российын президентше Владимир Путин Юрий Зайцевым республикым вуйлатышын пашажым жаплан шукташ шогалтыме нерген Указым пеҥгыдемден. Августышто Марий Элын рӱдӧ сайлыме комиссийже сайлымашке ушнаш ныл кандидатым регистрироватлен. Тиде- «Справедливый Россий» партий деч Наталия Глущенко, Шкем шке темлыше Юрий Зайцев, «Пенсионер- влак партий» деч Валентина Злобина да ЛДПР деч Антон Мирбадалев. Республикым вуйлатышым сайлымаш 11-ше сентябрьыште лиеш.

Прошлые выпуски