Йошкар-Оласе Петров уремыште троллейбуслан контакт сетьым шупшаш тӱҥалме
Йошкар-Оласе Петров уремыште троллейбуслан контакт сетьым шупшаш тӱҥалме. Марий Элым вуйлатыше Юрий Зайцевын кӱштымыжӧ почеш ола администраций «Троллейбус транспорт» муниципал предприятий дене пырля контакт сетьын у ужашыже- влак чоҥаш тӱҥалыныт. Кызыт сетьлан Интернационалист воин- влак урем деч Кугу Ачамланде сарыште сеҥымылан 70 ий темме лӱмеш бульвар да Ураев бульвар марте ужашыште меҥге- влакым шогалтылыт. Тений августышто тушто икымше троллейбус- влак кошташ тӱҥалыт, -каласен ола мэрын икымше алмаштышыже Лев Покровский. Ушештарена: Ураев бульварыште контакт сетьым октябрьыште бульварын кокымшо черетшым чоҥымо годым ыштыме ыле. План почеш Ураев бульвар ден Петров урем мучко кокымшо троллейбус маршрут кошташ тӱҥалеш. Тиддеч посна эше ик контакт сетьын ужашаже шотышто проект паша мучашлалтеш. Чоҥымо да монтаж пашалан кум миллионат 300 тӱжем теҥге кучылталтеш. Контакт сетьым кушто лиеш элетротул меҥгыш пижыктат, тыгак покшел газонышто меҥге вераҥдалтеш Материалын акше 15 миллион теҥгеш шуын. Ончылгоч контакт сетьын опорыжым, кок тӱжем 300 метр той электровоштырвм, кум тӱжемат 200 метр вурс канатым да тӱрлӧ кӱлеш ужаш- влакым налме.
Фото: Йошкар-Ола администрацийын пресс-службыжо.
Фото: Йошкар-Ола администрацийын пресс-службыжо.
