Йошкар-Оласе «Дружба» Сызрань гыч футбол командым сеҥен кертын

Йошкар-Оласе «Дружба»  Сызрань гыч футбол командым сеҥен кертын
«Приволжье» регион кокласе футбол ушемын первенствыжын 27-ше турыштыжо Йошкар-Оласе «Дружба» команде шке пасуштыжо Самара областьысе «Сызрань-2003-СШОР-2» команде дене модын. Ончаш толшо-влак чылаже 8 голым ужыныт. Оза- влак 5 да 3 счёт дене сеҥышыш лектыныт. Кум мечым Константин Бастраков пуртен. 28 ияш нападающий «Дружбышто» шым матчым модын да кандаш гана мечым пуртен. «Дружбын» тиде тургымышто эше кум гана модшашыже уло. 12-шо октябрьыште Пенза областьысе Каменка олаште верысе «Дорожник» дене, 19-ше октябрьыште шке полештыже Угарманысе Ковернино посёлко гыч «Волнам» вашлиеш. Мучаш вашлиймаште аутсайдер- влак модыт. Дмитровградыште 14-ше верым налше «Лада-Университет» ден пытартыш, 15-ше верыште улшо, «Дружба» вашлийыт. Нуным кум очко гына ойырен шога.

Прошлые выпуски