Республикысе чодыраште шӱдымшӧ стрелкым торжественно вераҥдат

            Республикысе чодыраште торжественно шӱдымшӧ стрелкым вераҥдат. Тиде указатель- влак корным йомдарыше-влаклан полышым пуат. 30-шо- 31-ше июльышто волонтёр- влакын кугу тӱшкашт чодыраш лектеш. Нунын маршрутышт кок кече мучко Кокшайск корно ыҥгай Чернушка- Чуркан- Пӱнчер- Мартын линий дене эрта. Проектым ямдылыше- влакын мутышт почеш, йомшо- влакын статистикышт дене тиде район кумшо верым айла. Кодшо ийын тушто кугу пожар лийын гынат, еҥ- влак кызытат тушко коштыт да чӱчкыдын йомыт. Тылзе мучашыште шӱдымшӧ стрелкым торжественно пижыктат. Доброволец- влакым тиде путешествийыш ушнаш ӱжыт. Кумылан- влак йодмашым проектын группыштыжо коден кертыт.
             Фото: «Стрелки — выход из леса». «МариМедиа».

Прошлые выпуски