Республикыштына арака дене аярген 59 еҥ ӱмыр лугыч лийын
Республикыштына арака дене аярген 59 еҥ ӱмыр лугыч лийын, Йошкар-Олаште 12 еҥ колен. Пел ий жапыште Марий Элыште 92 еҥ начар арака дене аярген, тушечын 59 еҥже илыш дене чеверласен. Утларакше этанолан йӱыш дене аяргат, 10 случайже алкогольын суррогатшылан, 3-шо метил спиртлан, кокышто рашемдыдыме спиртлан логалеш. Йошкар-Олаште 22 ен аярген, 12-шо колен, Шернур районышто 16 аярген, 6-шо колен, Советскийыште 8 да 6, Волжск ола, район да Марий Турек районышто визыт гыч, чыланат коленыт. Юрино районышто ик еҥ аярген да колен, Курык марий ден Звенигово районлаште ик еҥ гыч аяргеныт. Моло районыто 2-4 еҥ. Промышленный йӧн дене лукмо алкоголь дене аяргыше- влак лийын огытыл.
