Зарубин уремыште куд тошто пӧртым кораҥдат
Йошкар-Оласе Зарубин уремыште куд тошто пӧртым кораҥдат. Александр Евстифеевын кӱштымыж почеш, ондак чоҥымо кумдык- влакым вияҥдыме сомыл умбакыже шуйна. Зарубин уремысе аварийный пӧртла гыч калыкым ола администрацийын пунчалже почеш чоҥышо организаций кӱшеш кусарат. Конкурс почеш чоҥышо организацийым ойырен налме. Тудо Успенский, Панфилов, Первомай уремла да Гагарин проспект ден авыралт шогышо кумдыкым тӱзаташ тӱҥалеш. Тыге 10, 12, 14, 16, 18, 18-ше А пӧрт-влак кораҥдалтыт, а тушто илыше- влаклан илыме верым пуат.- увертара Йошкар-Олан мэрийже.
