4-ше май гыч икмыняр организаций пашажым уэш тӱҥалеш

Республикым вуйлатыше нылымше май гыч пашам тӱҥал кертше  организаций- влакын перечньыштым увертарен. Тидын годым нуно чыла йодмашым шуктышаш улыт. Вашталтыш Ай-Ти инфраструктурышто тыршыше, шинчалык да контакт линзым ыштыше предприятий, быт услугым пуышо, вургем ден йолчиемым олмыктышо, химчистка, ӱпым тӱредме вер, быт техникым ачалыше, документлан фотосӱретым ыштыше, клининг организаций- влакым вуча. Юридический лица- влак услугылан ончылгоч возалтме йӧным пуртышаш улыт, залышке ик еҥ деч шуко огыл пурташ, вучымо залым кучылташ да черетым ыштышаш огытыл. Моло организаций- влаклан 11 ше май марте пашам ыштыдыме кече шотлалтеш. Шке пашаштым кучем орган, медицина тӧнеж, эмгудо, кочкыш сатум ситарыше, кусараш лийдыме пашам шуктышо- влак умбакыже шуят.

Прошлые выпуски