Александр Евстифеев Марий Эл Кугыжаныш Погынын кок комитетшым вуйлатыше- влак дене вашлийын

Александр Евстифеев Марий Эл Кугыжаныш Погынын кок комитетшым вуйлатыше- влак дене вашлийын
Республикым вуйлатыше Александр Евстифеев Марий Эл Кугыжаныш Погынын комитетше- влакым вуйлатыше- шамычым икымше гана сайлыме депутат- влаклан полшаш ӱжын ойлен. Тиде тыланымашым тудо кок комитетым- бюджет да законодательстве комитетлам вуйлатыше- влак дене вашлиймаште луктын ойлен. Бюджет комитетым вуйлатыше Екатерина Вахитова деч ончыкылык планже нерген йодын. Тудыжо эн ончылно шогышо задаче- влак радамыште комитетын кажне еҥже дене келге мутланымаш лийшашым палемден. Кызыт 2020-шо ийлан бюджет чумыралтеш. Тӱҥ точко- влак улыт. Тиде – калыкле проект- влак. Нуным федерал кӱкшытыштӧ тӱҥ семын палемдыме. Калыкат нунын кӱлешлыкшым умыла,- каласен бюджет комитетым вуйлатыше. Екатерина Вахитова республикым вуйлатышылан ӱшандарен ойлен: пашам сайын виктарыме лиеш. Законодательство шотышто комитетым вуйлатыше Александр Павлов дене мутланыме годым Александр Евстифеев палемден: парламентын тиде паша корныжо тӱҥ улеш. Тудо кажне законопроект шотышто заключенийым пуа. Александр Павлов тӱҥ задаче семын Российын Конституцийже дене келшышын пашам ышташ кӱлешым каласен. Законодательный акт- влак республикым вияҥдаш, калыкын илышыжым саемдаш пеҥгыдемдалтшаш улыт. Комитетын пашаже чын да лектышан лийшаш. Эн ончыч республикын чыла законжо федерал законодательстве дене икгай лийшаш,- ешарен Александр Павлов. Республикым вуйлатыше ушештарен: икымше гана сайлыме депутат- влаклан полшаш да законодательный органыште кузе пашам ышташ кӱлешым умылтараш кӱлеш.

Прошлые выпуски