Ял озанлык пашаеҥ- влакым пайремышт дене Александр Евстифеев саламла
Шушаш рушарнян республикысе ял озанлык пашаеҥ- влак шке профессионал пайремыштым палемдат. Марий Элысе агропромышленный комплексын да перерабтыватлыше промышленность предприятий- влакын пашаеҥыштым да ветераныштым профессионал пайремышт дене республикым вуйлатыше Александр Евстифеев саламла. Киндым куштышо, вольыкым ончышо, ветеринар, фермер- влакын куштылго огыл пашашт пагалымашым сула. Тендан пашада деч элыштына кочкыш-сатун ситымыже шога. Президент Владимир Путин агропромышленный комплексым Российысе экономикым вияҥдыме тӱҥ ужашлан шотла да кугу задачым шында- 2024-ше ий марте ял озанлык сатум талукышто йот эллаш 45 миллиард теҥгеашым колтымашке шуаш кӱлеш. Куандара, мемнан республикысе сай качестван, экологически ару сату кундемыштына гына огыл, ӧрдыж верлаштат йодмаш дене пайдалана. Аграрий- влакын тыршымашышт, пашам йӧратымышт, талантышт ий гыч ийыш сай лектышыш шуаш йӧным ышта. Ял озанлык шӧр сатум, саскам, технический да ӱйым пуышо культурым утларак да утларак ыштен налеш, у технологий- влак шыҥдаралтыт, у технике дене пойдаралтеш. Валовый продукцийын кушмыж дене республике Юл кундем округышто кокымшо верыш лектын. Ял озанлык пашаеҥ да ветеран- влаклан шочмо мландым йӧратымыштлан, тыршен пашам ыштымыштлан, сай лектышыш шумыштлан таум каласем. Таза, пиалан да улан лийза!- ойлалтеш республикым вуйлатышын саламлымашыштыже.
