«Ший ийгот» школышто у тунемме ий тӱҥалын
Марий Турекыште «Ший ийгот» школышто колыштшо- влаклан у тунемме идалык тӱналын. Тудым торжественно почмаш ял озанлык механизаций техникумышто эртен. Кугу ийготан тунемше- влакым саламлаш Марий Турек муниципал районым вуйлатыше Лариса Яндыбаева ден администраций вуйлатышын икымше алмаштышыже Андрей Зыков миеныт. Яндыбаева палемден: ятыр пенсионер канаш лекмекат, чолгалыкшым ок йомдаре, калыклан пайдале лийнеже. Сандене илалше - влакым туныктымо йодыш кажне ийын пӱсынрак нӧлталалтеш. Школын кураторжо, комплекс рӱдерын директоржо Наталья Шамуратова эртарыме эн оҥай мероприятий- влак нерген каласкален. Кушко коштмо, мом ыштыме, тиде тунемме ийыште мо вуча- чыла радамлен ойлен. Колыштшо- влак шкештат оҥай концерт номер- влакым ямдыленыт. Школын икымше занятийже 23-шо октябрьыште районысо книгагудышто лиеш.
