Йошкар-Оласе уста поэт-влакым рашемдат
Йошкар-Олаште поэзийын да автор мурын «Поэзия Красного города» оласе кумшо виш конкурсшо лиеш. Тений тудо Йошкар-Олан 435-ше лӱмгечыжлан пӧлеклалтеш. Конкурсыш шке пашаштым 80 мут мастар колтеныт. Адакшым тиде конкурсышто Марий Элысе автор- влак гына огыл, моло ола гычат участвоватлат. Конкурсын очный йыжыҥже рушарнян 10 шагатлан Сеҥымашын 30-шо идалыкше лӱмеш тӱвыра полатыште лиеш. А сеҥыше- влакым 27-ше октябрьыште палемдаш тӱҥалыт.
