Ялысе шоҥгыеҥ- влакым эмлыме верыш лӱмын налме машина дене коштыктат

Ялысе шоҥгыеҥ- влакым эмлыме верыш лӱмын налме машина дене коштыктат
Республикыште 65 ияш деч кугурак илалше еҥ- влакым медицина тӧнежлашке посна машина дене коштыкташ тӱҥалме. «Демографий» калыкле проект кышкарыште икымше спецрейсым Медведево районышто ыштыме. Рӱдӧ эмлыме верыш тергаш Старожильск посёлко гыч вич шоҥгыеҥым кондымо. Тергымеке, мӧҥгеш намен коденыт. Тиде сомыллан августышто лӱмын машина- влакым налме ыле. Республикысе социал вияҥмаш министр Ольга Фёдорован мутшо почеш, республикыште кугу ийготан 43 тӱжем еҥ ял кундемыште ила. Нуно шукыж годым тазалыкым тергаш эмлыме верлашке шке каен огыт керт. Молан манаш гын, эмлыме вер ятыр меҥге коклаште верлана. Сандене ялла гыч илалше- влакым эмлыме верыш коштыктымо пашам умбакыжат шуйымо лиеш.

Прошлые выпуски