Прививке кампаний тӱҥалын
Республикыштына грипп чер ваштареш шыжымсе вакцинаций тӱналын. Поликлиникылашке профилактик прививке калыкле календарь почеш кугыеҥ да йоча- влакланат яра вакциным кондымо. Тӱнямбал тазалыкаралтыш организацийын темлымыж почеш, тудын составшым изиш уэмдыме. Чер кумдан ынже шарле манын, тений республикыште уло калыкын 45 процентшылан прививкым ышташ палемдыме. Тидыже 308 тӱжем утла еҥ лиеш. Вакцинацийым оксам тӱлыде 6 ияш гыч йоча- влаклан, медицина да туныктымо пашаште, транспорт, коммунал организацийлаште тыршыше, армийыш налшаш рвезе, студент, мӱшкыран ӱдырамаш, 60 ияш деч кугурак еҥ- влак, хронический черан-влаклан ыштат. Молыжо оксам тӱлен але пашавер кӱшеш ыштыктен кертыт. Кызытеш республикыш кугыеҥ- влаклан 94 тӱжем наре доза «Совигриппым» да йоча шамычлан 40 тӱжем утла дозо вакциным кондымо. Кызыт грипп дене черланыше- влак уке улыт. Вакцинацийлан лач келшен толшо жап.
