Черле- влаклан койкым ешарен шындыме

Марий Элыштына Ковид-19 дене черле- влаклан койко фондым ешарен шогат. Молан манаш гын, коронавирус дене черланыше- влак ешаралтыт. Нелын да утларак черланыше- влак шукемыт. Октябрь тӱҥалтышыште сарын ветеранже- влакын клинический госпитальыштышт 65 койкым шындыме ыле, а 14-ше октябрьыште тудым 105 марте шукемденыт. Кызыт 68 койкыжо яра огыл, 41 черлыже нелын черланыше улеш. Оршанкысе эмлыме верым пӱтынек Йошкар-Ола гыч ковид дене черле- влакым эмлаш келыштарыме. Шындыме 90 койко деке эше 10-ым ешарыме. Кызыт тушто 78 еҥ эмлалтеш. Звенигово ден Козьмодемьянскысе эмлыме верлаштат эше 10 койко гыч ешарыме. Республикысе инфекций стационарлаште чылаже 987 койкым шындыме.

Прошлые выпуски