Приём арня сай лектышым ончыктен

Илалше тукымлан эртарыме приём арня сай лектышым ончыктен. Тудым Россий пенсий фондын Марий Элысе пӧлкажын сотрудникше- влак эртареныт. Вич кече жапыште приёмыш 147 еҥ йодмаш дене лектын, 94-ше пенсий фондын пашаж дене кылдалтын. Пенсионер- влак фондын пашаж дене кыладлтше чыла корно денат йодышым пуэденыт. Шукыжо «Мир» картым налме, 80 ияш еҥым ончымылан компенсаций тӱлымаш, паша гыч кайымеке пенсийым налме дене кылдалтыныт, моло йодышат лийын. Йошкар-Оласе калык деч 42 йодыш, ялла гыч 48 йодыш пурен. Шукыракше Волжский да Медведево районла гыч лийын. Адакше йодышым пуышо- влак кокла гыч 94 еҥже ӱдырамаш, 23-шо гына пӧръеҥ лийын. Умылтарымашым кызытат кажне паша кечын налаш лиеш. Телефон номерже: 8 800 600 02 15.

Прошлые выпуски