Идалык мучаш марте 17 фельдшер-акушер пунктым чоҥен шуктышаш улыт
Республикыштына идалык мучаш марте 17 фельдшер-акушер пунктым чоҥен шуктышаш улыт. «Тазалыкаралтыш» калыкле проект почеш чоҥашлан 14 кугыжаныш контрактым ыштыме. Кызыт вич районышто чоҥымо паша кая. Волжский районысо Усола Корамас, Пӱнчысола, Пӧртанурышто, Курык марий велысе Авасирыште, Марий Турек районысо Марий Пыламарийыште, Медведево Арбан ден Кугу Ноляште, Шернурысо Зашижемье ден Ананурышто нӧлтат. Идалык мучаш марте 17 у ФАП почылтшаш. Кызыт мебельым кондаш да вераҥдаш контракт ышталтеш. Тений 153 миллион теҥге ойыралтеш.
