Шушаш ийын 575 у ясле верым почаш палемдыме
Шушаш ийын республикыштына 575 у ясле верым почаш палемдыме. Кодшо ийын Знаменский посёлкышто йоча садым почмо, Йошкар-Олаште нылытым, Волжскышто иктым. Чылаже ик тӱжемат 165 вер ешаралтын. Кызыт тӱжемат лу верлан ныл садик чоҥалтеш. Сентябрь тӱҥалтышыште Визимьярыште, Медведево посёлкышто почмо. Идалык мучаш марте Йошкар-Олаште эше кок сад ямде лийшаш. Июльышто Медведевыште чоҥаш тӱҥалме, нылымше кварталыште эше Йошкар-Олаште да Руэм посёлкышто кок тӧнежым чоҥаш тӱҥалыт. У ий тӱҥалтыш гыч Медведево районысо Нурмаште чоҥаш тӱҥалаш палемдыме. Туныктыш министерствын увертарымыж почеш, вес ий мучашлан чылаже 575 ясле вер ямде лийшаш.
