Колледжын студентше Российысе кок кугу конкурсышто сеҥышыш лектын

Колледжын студентше Российысе кок кугу конкурсышто сеҥышыш лектын
Республикысе Палантай лӱмеш тӱвыра да сымыктыш колледжын студентше Константин Рябин вигак Россий кӱкшытан кок конкурсышто сеҥышыш лектын. Тудым республикыште талантан баянист семын шукын палат. Лӱмжӧ Марий Эл деч ӧрдыжтат йоҥга. Тудо Китайыште эртыше конкурсын лектышыже почеш тӱнямбалсе эн виян шым баянист коклаш пура. Тиде кечылаште Константин эше икмыше стпененя лауреат лӱмым  пеҥгыдемдыше эше кок дмпломым конден. Тудо устан шоктымыж дене Москосо консерваторий пеленысе академический музыкальный училищын эртарыме  «Российын самырык талантше- влак» Российысе конкурсышто жюрин еҥже- влакын кумылыштым савырен. Конкурс икмыняр йыжыҥ дене тений идалык мучко эртен. Тиддеч вара ик арня гыч Москошто вес конкурс эртен. Гнесинмыт лӱмеш Российысе музыка Академийыште «Баян ден баянист- влак» 31-ше тӱнямбал фестиваль кышкарыште кыдалаш тунемме тӧнежлаште тунемше- влак коклаште Российысе конкурс лийын. Нуным мастарлыкыштым Российын калык артистше- влак Липс ден Дранга акленыт. Туштат Константин икымше степенян лауреат лийын.

Прошлые выпуски