Звениговысо каратист- влак 15 медаль дене пӧртылыныт
Звенигово районын «Вымпел» спорт да патриотизм клубын самырык спортсменже- влак олимпий каратэ дене «Жемчужина Поволжья» регион- влак кокласе турнирыште 15 призовой верым сеҥен налыныт. Турнир Новочебоксарск оласе икымше спорт школын залыштыже эртен. Тушко Юл кундем округын 7 кундемже гыч 70 спортсмен миен. «Вымпел» клубыш районысо ныл илем гыч спортсмен- влак погыненыт. Нуно 6 шӧртньӧ, 7 ший да 2 той медальым сеҥен налыныт. «Вымпел» клубын тренержын мутшо почеш, тиде жапыштак Рязаньыште 36 эл гыч спортсмен- влак каратэн Тӱнямбал конфедерацийжын версийже почеш чыла стилян каратэ дене тӱнян первенствыже эртен. Красногорский посёлкын йоча командыже тушто нылымше верым сеҥен налын. Марта Сергеева шке ийгот категорийыштыже первенствыште кумшо верым налын.
