«Марий йылмын таҥастарыме мутержылан» презентаций лиеш

«Марий йылмын таҥастарыме мутержылан»  презентаций лиеш
25-ше декабрьыште МарНИИ-ште «Марий йылмын таҥастарыме мутерже» книган презентацийже лиеш. Тудо 14 шагатлан тӱҥалеш. Мутерым Любовь Абукаева, Андрей Чемышев, Анжелика Митрускова ямдыленыт. Тудым у йӧн дене марий йылмын калыкле корпусшо негызеш ыштыме. Книгашке марий фольклор гыч пеҥгыдемше таҥастарымаш, марий сылнымут да публицистике гыч автор- влакын оҥайын таҥастарен возымышт пурталтын. Презентацийыште мутерым ямдылыме технологий да пайдаланыше- влаклан тудо могай полышым пуэн кертмыже нерген каласкалат. Мероприятий кышкарыштак филологий наука доктор, йылмызе, фольклорист, поэт да туныктышо Любовь Абукаева дене вашлиймаш лиеш. Тудо шанчыеҥын чапле лӱмгечыжлан пӧлеклалтеш.

Прошлые выпуски