Йошкар-Олан тӱҥ кожшо пайремым тӱҥалаш ямде

Йошкар-Олан тӱҥ кожшо пайремым тӱҥалаш ямде
Йошкар-Олан рӱдӧ площадьыштыже У ий кожым шогалтыме, пайрем мероприятий- влакым тӱҥалаш ямде. «У ий калейдоскоп» 20-шо декабрьыште тарвана. 18 шагатлан тӱҥ ёлкым почмаш тӱҥалеш. Тиддеч посна моло кечынже тӱрлӧ площадкыште пайрем- влак лийыт. 25-ше кечын 18 шагатлан руш тӱвыра рӱдер, 26-шо декабрьыште татар тӱвыра рӱдер, 27-ше декабрьыште марий тӱвыра рӱдер шке программыштым ончыктат. Кугу пайрем- влак 31-ше, 1-ше, 7-ше, 13-шо 19-ше кечын эртаралтыт. Ленин лӱмеш площадьыште тыгак аттракцион- влак: экспресс-шоссе, карусель, батут, Йӱштӧ Кочан пӧртшӧ пашам ышташ тӱналыт.
               Йошкар-Олан тӱҥ ёлкыжо Российысе 30 эн кӱкшӧ У ий кож- влак радамыш пурен да Угарманын, Хабаровскын, Ростов-на-Донун пушеҥгыштым ончылтен каен. Эн кӱкшӧ икымше кум верым Красноярскысе, Екатеринбургысо да Озаҥысе кож- влак айлат. Тушто 55, 50 да 35 метр кӱкшытан пушеҥгым сӧрастарат. Лу кӱкшӧ радамыш тыгак Барнаул, Тула, Калининград, Уфа, Пермь, Владивосток, Тюмень да Москва пурат. Тушто кож- влак 32 гыч 27 метр марте улыт. Йошкар-Ола 23 метран кож дене 19-ше верым айла. Ижевск, Челябинск да Ростов-на-Дону 27-ше, 28-ше да 30-шо верым айлат. Нунын кожышт 20 метрыш шуэш.

Прошлые выпуски