Владимир Путин Марий Элым вуйлатышым Госсоветын радамышкыже пуртен
Владимир Путин Марий Элым вуйлатышым Госсоветын радамышкыже пуртен. Российын Президентше Госсоветын составыштыже вашталтыш лийме нерген Указым пеҥгыдемден. Тушко у политик- влакым ешарыме. Нунын коклаште Юрий Зайцеват уло. Официальный документ дене келшышын Госсоветыш Владимир, Саратов, Ярослав, Томск, Тамбов, Рязань, Киров оластьлан губернаторышт пуреныт. Нунын деч посна Марий Элым вуйлатыше Юрий Зайцев, Самара ола округым вуйлатыше да Амур областьысе Белогорск олам вуйлатыше Госсоветын еҥже лийыныт. Палемдена: Российыште Госсоветым 2000-ше ийын Президент пелен каҥашыме орган семын ыштыме. Тушко пурышо- влак поснак кӱлешан йодышла дене кугыжанышым вуйлатышым консультироватлат. 2020-шо ийыште Госсоветын рольжо вияҥын да Конституцийыште пеҥгыдемдалтын.
