У Торъялысе Тыныслык площадьыште вуйым пыштыше воин- влакым шарналтеныт

                У Торъялысе Тыныслык площадьыште вуйым пыштыше воин- влакым шарналтеныт. Палыдыме салтакын кечынже шарныме мероприятийым «Единый Российын» верысе пӧлкажын секретарьжын алмаштышыже Денис Волков почын. Воин- влакым ик тат шып шоган шарналтеныт да обелиск- влак воктеке пеледыш аршашым пыштеныт. Палыдыме салтаклан  чапкӱ воктене икымше номеран Постым ыштыме. Шарнымаш книгаште увер деч посна йомшылан тӱжем дене салтак шотлалтеш. Кугу Ачамланде сар гына 5 миллион еҥым лӱм деч посна йомдарен. У Торъял район гыч кок тӱжемат 753 салтак увер деч посна йомын. Пытартыш жапысе Афганистан, Чечня сарла деч варат ятыр салтакын кушто улмыжо раш огыл. Кызыт лӱмын эртарыме сар операцийыштат салтак- влак шкенан калыкым нацизм деч аралаш кучедалыт, южыжо геройла кредалмаште вуйыштым пыштат. Ме чылаштым шарнена. Увер деч посна йоммаш- историйын пычкемышыштыже шулен кайымаш огыл. Нуно калыкын ушыштыжо да шӱмыштыжӧ илат да тукым гыч тукымыш куснен аралалт толыт, - каласен Денис Волков.
                Фото: «Единый Российын» верысе пӧлкажын архивше.

Прошлые выпуски