Школышто каникул- влак кунам лийшаш улыт?

Школышто каникул- влак кунам лийшаш улыт?
У тунемме идалык шукерте огыл веле тӱнале гынат, тунемше- влак каникулым вучат. Чыланат раш огыт пале: школышто тунемше- влакын канышышт кунамрак лиеш. Тидым школ администраций рашемда. Но школышто, лицейыште, гимназийыште тунемме да каныме жапым туныктыш министерствын приказыштыже ончыктымо тунемме идалыкын структурыжым шотыш налын, тунемме ий тӱҥалме деч ончычак пеҥгыдемдат. Кеҥеж каныш деч посна кум каникул жап 30 кече деч шагал огыл лийшаш. Каникул 7 кече деч изи лийын ок керт. Кеҥеж каникул кок тылзе деч шагал лийшаш огыл. Кеч- могай каникул шочмо гыч тӱналшаш. Каникулым кок арня деч шукылан вес жапыш кусараш ок лий. Шыже каникул 28-ше октябрь гыч 3-шо ноябрь марте 7 кече шуйна. Теле каникул 14 кече лиеш- 30-шо декабрьыште тӱналеш да 12-шо январь марте шуйна. Шошо каныш 9 кечаш лиеш: 21-ше гыч 29-ше март марте. А эн кужу, йӧратыме каныш 25-ше май гыч тӱналшаш.

Прошлые выпуски