Икымше март гыч сад-пакчалаште тулым кучылтмо у правил вийым налеш

Икымше март гыч сад-пакчалаште тулым кучылтмо у правил вийым налеш
             Республикыштына икымше март гыч сад-пакчалаште кукшо лышташым йӱлалташ да шашлыкым ямдылаш у правил вийым налеш. У правил почеш тулым кузе кучылтмо шотышто дачник- влак ушемыште умылтареныт. Кугыжаныш Думын депутатше, Моско воктел кундемысе дачник- влак ушемым вуйлатыше Никита Чаплинын мутшо почеш, кызытеш тошто правил кучылталтеш. Тудым шке жапыштыже кугу пасулан да изи сад участкыланат ик правилым ыштыме ыле. Сандене правилым чылаже годым шукташ лийын огыл. Мутлан чыла йодмашым шуктен изи пакчаште мангалым вераҥдаш ок лий. Но тений икымше март гыч нормым чын илыш деке келыштарыме. Калай бочкышто лышташым, укшым йӱлалташ кеч- могай зданий деч шым метрат пеле деч лишке лийшаш огыл, лӱсан чодыра деч 50 метр, лышташан чодыра деч 15 метр, йырым йыр эрыктыме верже вич метр лийшаш. Тыгеже ынде шашалыкым ямдылаш мангалым зданий деч вич метр коклаште вераҥдаш йӧн лектеш. Тыгай йодмашым шукташ лиеш,- тыге шотла Никита Чаплин.

Прошлые выпуски