Йошкар-Олаште турист- влаклан мо утларак келша?
Йошкар-Олаште турист- влаклан мо утларак келша? Турист-увер рӱдерын специалистше- влак 2022-шо ийысе пашам иктешленыт да шке шотан статистикым ончыктеныт. Мутлан: турист ден экскурсант- влакын 81 процентше мемнан олашке икымше гана толыныт, 19 процентше уэш толын. Нуно Москва, Ижевск, Озаҥ, Курск, Магнитогорск, Владимир, Угарман, Санкт-Петербург, Электросталь. Тольятти, Вологда, Ульяновск, Арзамас, Салехард да моло олала гыч толыныт. Мо келшен? 38 проценлан чапкӱ ден скульптура- влак, 26 процентше экскурсовод- влакын профессионализм ден сай шинчымашыштым палемденыт, 16 процент толшым сервис, 20 процентым верысе калыкле кухня да калыкын порылыкшо сымыстарен. Ончаш йӧрышӧ вер шуко улмылан кӧра, кажныже тӱрлӧ верым палемда. Эн шукын Брюгге серым ончыктат, коштшо скульптуро-влакым- 12 апостолым да ишакан шагатым палемдат. Чылаланат рӱдӧ олан мотрлыкшо, архитектурыжо, арулыкшо, тоштерже, театрже, кремльже да пырысыже (йошкин пырысыже да тудын йолташыже) дене шарнымашеш кодеш. Ушештарена: Турист-увер рӱдер Йошкар-Олан историй тоштерыште верлана.
Фото: Павел Стариков.
Фото: Павел Стариков.
