Республикыштына иканаште грипп да ковид дене черланыше- влакат улыт
Марий Элыште ик еҥын иканаште грипп да ковид дене черланымыжым пеҥгыдемден ончыктымо случай- влак улыт. Тазалыкаралтыш министрын алмаштышыже Татьяна Бастракова нине чер- влак дене черланымашын могай улмыжо нерген ойлен. Черланымаш- влак пеш огыт куандаре манын тудо. Коронаиврус нерген ойлаш гын, утларакше омикрон штамм вашлиялтеш. Вирусан инфекций коклаште сӧсна грипп утларак шарлен. Тудо нелынрак эрта. Прививкым ыштыше- влак кокла гыч кум процент еҥ гына черланен, но нунын черышт куштылгын эрта. Республикыштына иканаште грипп да ковид дене черланыше- влакат улыт. Тиде неле ситуаций, инфекций дене кучедалаш йӧсӧ. Молан манаш гын, ковид ден грипп годым кучылтмо препарат – влак 80 процентлан ваштареш шогышо улыт. Чержымат ойыраш неле. Ик чер дене черланымеке весыже куштылгын пижеш. Нине чер деч вара икмыняр жап гыч инфекцийдыме хронический чер- влак пӱсемыт, а колымашке шӱм да вӱргорно чер, сакыр диабет да моло чер шуктен кертыт. Тидын денак инфекций- влак лӱдыкшӧ улыт, - умылтара Татьяна Бастракова. Сандене маскым чиен кошташ тыршыман да викцинацийым ыштыктыман.
