Марий йылме дене йоча Ӱярням эртарат

Марий йылме дене йоча Ӱярням эртарат
          Республикыштына 22-шо февральын марий йылме дене йоча Ӱярням эртарат. Тушко школышто тунемше- влакым ӱжыт. Пайремым Марий тӱвыра рӱдер Туныктыш да Тӱвыра министерствылан полшымышт дене эртара. Ӱярня пайрем Параньга районысо Кугу Пумарий школышто 11 шагатлан тӱҥалеш. Ола да районлан командыштышт куд еҥ лийшаш. Программыште икмыняр конкурс  лиеш. Тиде «Ӱян мелна». Тудын тамже гына огыл, моторын сӧрастарымым ончат да ойыртемалтше презентацийым ыштыман. Тыгак «Ӱярня кувам»- пайремын курчак символжым ыштыман. Тудо метр деч изи огыл лийшаш, ончыктен моштыман. Тиддеч посна теме дене сӱрет конкурс, «Марий йӱла» модмаш лиеш. Сеҥышым пайремыштак рашемдат. Йодмашым тӱвыра рӱдерын электрон адресышкыже 13-шо февраль марте колтыман. Уверым 45-88-51 номеран телефон дене рашемдаш лиеш.

Прошлые выпуски