Марий Эл Кугыжаныш Погынышто депутат- влак тазалыкаралтыш министр Марина Панькова дене вашлиймашым эртареныт
Марий Эл Кугыжаныш Погынышто депутат- влак тазалыкаралтыш министр Марина Панькова дене вашлиймашым эртареныт. Министр отрасльыште сеҥымаш да тудым ончыкыжым вияҥдыме нерген докладым ыштен. Тӱҥ тӱткышым «Тазалыкаралтыш» калыкле проектым шындарымылан ойырымо. Тудын кышкарыште 2019-ше 2022-шо ийлаште шым миллардат 500 миллион теҥгем ойырымо Тенийлан 2018-ше ий дене таҥастарымаште оксам ойырымаш ик тичмашат 8 луаш гана ешаралтын. Тыгай окса полыш ФАП ден врач амбулаторийлам почаш, шергакан оборудованийым, автотранспортым налаш, поликлиникылам олмыкташ, санавиацийым вияҥдаш полшен. Ончыкылык кок ийлан калыкле проектым шыҥдараш отрасльыш эше кум миллиардат 800 миллион теҥгем колташ палемдыме. Марина Панькова пашан чыла корныжымат лончылен лектын, сеҥымаш да иквереш, депутат корпус дене пырлят виктарышаш проблеме- влак нерген каласкален. Депутат- влак кадрым ямдылыме, медорганизацийлаш транспортын коштмыжо, ялысе калыкым обслуживатлыме, стационарлаште пукшымо, ФАП-лан пашашт нерген йодыш- влакым пуэденыт. Чылажланат тичмаш вашмутым пуымо.
Фото: Тазалыкаралтыш министерствын пресс-службыжо.
Фото: Тазалыкаралтыш министерствын пресс-службыжо.
