Куржталме корно кроликым ушештара

Куржталме корно кроликым ушештара
           Оласе калыкым Кроликын идалыкшылан пӧлеклатше фигурнын куржталмашке ӱжыт. Куржталаш йӧратыше- влакын «Айвика» клубышт кужу дистанцийым да оҥай маршрутым йӧратыше- влакым рушарнян 22-шо январьыште куржталмашке вуча. Тӱшкан куржталмаш спорт шагатым але джипиэс трекеран смартфоным кучылтшо-влаклан оҥай лиеш. Тудыжо приложенний полшымо дене тренировко маршрутым фиксироватлаш полша. Кажне участник 15 меҥге кужытым эртымеке Йошкар-Олан картыштыже тенийсе ийын символжым- кроликым сӱретлен да тудын скриншотшым социал вотышто ончыктен кертеш. Маршрутым клубым вуйлатыше Иван Земцов ямдылен, но маршрут ончылгоч ок ончыкталт. Но икте раш: кугу мераҥын почшо Гомзово оҥго дене сӱретлалтеш, пылышыжым олан йӱдвел ужашыштыже куржын сӱретлат, а вуйжо Первомай уремыш миен тӱкна. Икманаш, куржмо корным кӱшыч ончалаш гын, тичмаш сӱрет лач кроликым ончыкта. Куржталмаш 22-шо январьын 9 шагатлан 20-шо номеран школ деч тӱҥалеш (Анциферов урем, 29-ше пӧрт). Финиш- Сеҥымаш паркыште.  Пытартыш вич ийыште куржталше- влак Китай гороскопысо Пий, Сӧсна, Комак, Ӱшкыж деч посна Мартысе пырысым, Куржшо великаным, Йӱклышӧ кидым, Пиноккиом, «МарийЭлысе Венерам. Парусникым да Шагоходым сӱретлен куржыныт.
         Фото: «Айвика» клуб.

Прошлые выпуски